Hal-hazırda Azərbaycan Dövlət Neft və Sənaye Universitetində Proseslərin avtomatlaşdırılması mühəndisi olaraq 4-cü kursda təhsil alıram.SABAH tələbəsi olaraq dərsdənkənar fəaliyyətlərim geniş və müxtəlifdir. Hər zaman öz peşəkar inkişafımı sürətləndirmək üçün müxtəlif tədbir və proqramlarda iştirak edirəm. Bu çərçivədə kariyera sərgiləri və əmək yarmarkalarında fəal şəkildə iştirak etmişəm, o cümlədən beynəlxalq tədbirlərdə də təmsil olunmuşam. Məsələn, "International Astronautic Congress"kimi mötəbər tədbirdə iştirak etmək mənə qlobal miqyasda texnologiya və elm sahəsində baş verən yeniliklərdən xəbərdar olma imkanı verdi.Bundan əlavə, "Technest təqaüd proqramı" çərçivəsində "İKT LAB" tərəfindən təşkil olunan "Data elmi: R və Python dilləri" üzrə təlimdə iştirak edirəm. Bu təlimlər məlumat elmi sahəsində praktiki biliklər əldə etməyimə və peşəkar bacarıqlarımı təkmilləşdirməyimə kömək edir.Daha bir fəal olduğum sahə isə qadınların texnologiya sahəsində inkişafını dəstəkləyən platformalardır. "Digital Azerbaijan Talent School"-da keçirilən "Girls in IT" platformasında iştirak edərək qadınların informasiya texnologiyaları sahəsində daha fəal rol oynaması üçün birgə layihələrdə iştirak edirəm.Həmçinin, Buta Group tərəfindən təşkil olunan "VTP-10" virtual təcrübə proqramında iştirak edirəm. Bu proqram mənə real iş təcrübəsi və layihələr üzərində çalışma imkanı verir.Son olaraq, "DevFest 2024 Baku" kimi genişmiqyaslı tədbirdə iştirak etməyim mənə developer icması ilə əlaqələr qurmağa, müasir texnologiyalardan xəbərdar olmağa və peşəkar şəbəkəmi genişləndirməyə şərait yaratdı.
Bu tədbir və fəaliyyətlər mənə həm texniki biliklərimi artırmağa, həm də karyera inkişafımı sürətləndirməyə kömək edir.