PAŞA Sığorta ASC namizədləri Baş Məlumat elmi üzrə mütəxəssis vəzifəsinə müraciət etməklə peşəkar komandanın üzvü olmağa dəvət edir.

Bu vəzifə şirkətin qiymətqoyma, anderraytinq, zərərlərin idarə edilməsi və müştəri analitikası sahələrində məlumat əsaslı qərarların qəbulunu təmin etmək üçün statistik və texnoloji bilikləri birləşdirərək, biznes dəyəri yaradan analitik modellərin hazırlanmasına cavabdehdir. Məlumatların təhlili, modellərin qurulması və avtomatlaşdırılmış AI alətlərinin yaradılması vasitəsilə şirkət proseslərinin optimallaşdırılmasına və innovativ həllərin tətbiqinə töhfə verəcək.

Öhdəliklər

• Maşın öyrənmə üsullarından istifadə edərək xüsusiyyətlərin seçilməsi, təsnifatların qurulması və optimallaşdırılması.
• Ən müasir metodlardan istifadə etməklə verilənlərin təhlili və modellərin qurulması.
• Ehtiyac olduqda şirkət məlumatlarının üçüncü tərəf məlumat mənbələri ilə genişləndirilməsi.
• Analitik sistemlərin qurulması üçün müvafiq olan məlumatları daxil etmək məqsədilə məlumatların toplanması prosedurlarının təkmilləşdirilməsi.
• Təhlil üçün istifadə olunan məlumatların emalı, təmizlənməsi və düzgünlüyünün yoxlanması.

Bizim Təklifimiz

• Peşəkar və innovativ komanda ilə əməkdaşlıq imkanı.
• Fərdi və peşəkar inkişaf üçün dəstək və resurslar.
• Şirkət daxilində şəffaflıq və açıq ünsiyyət mühiti.
• Real biznes təsiri yaradan layihələrdə iştirak imkanı.
• “Great Place To Work” sertifikatlı şirkətdə çalışma imkanı.

• ython və SQL proqramlaşdırma dillərində yüksək səviyyədə bilik.
• Power BI və ya bənzər vizualizasiya platformalarında təcrübə.
• GLM, GAM, klasterləşmə, Bayes yanaşmaları, ensemble modelləri, NLP kimi analitik metodlarda biliklər.
• Analitik modellərin tam həyat dövrü (hazırlıq, öyrədilmə, tətbiq və monitorinq) üzrə təcrübə.
• DataIku, Python Data Stack, ML Algorithms, Statistics, GenAI, Computational Hardware və Computer Science sahələrində qabaqcıl biliklər.
• Təqdimat etmək və analitik düşüncə bacarıqları.
• Komanda ilə işləmək və məsuliyyətlilik.
• Dəqiqlik və problemləri həll etmək bacarıqları.
• Dil bilikləri: Azərbaycan, İngilis

Təhsil və Təcrübə

• Statistika, Aktuar Elmləri, Kompüter Elmləri, Data Science, Riyaziyyat və ya oxşar ixtisas üzrə bakalavr və ya ondan yuxarı dərəcə.
• Ən azı 3 il müvafiq sahədə iş təcrübəsi.